شوربه متميزه*شوربة الكفتة

بسم الله الرحمن الرحيم

السلام عليكم ورحمة الله وبركاته

صباح الخيرات والليرات على احلى بنات وستات بيوت صايمات


اليوم رح اقدملكو الذ شوربة كنا نتسابق عليها انا واخي قبل ما كل واحد فينا يلاقي نصه التاني ويصيرله بيت وعيلة وعياااااااااال

والليلة الكبيرة يا عمي والعالم كتيرة

رمضان جانا يا منتدانا وبركاته هلت علينا

ياللا بكفي رغي ونبلش

اول شي بدك لحمة كفتة عادية بضيفيلها بصل مبشور والبهارات اللي تحبيها وسن تومة مدقوق وشوية بقدونس
ونعملها كرات
ونقليها بشوية زيت بقاع الطنجرة

[ندعوك للتسجيل في المنتدى أو التعريف بنفسك لمعاينة هذه الصورة]

وبس تتحمر وتتقمر وتشقر

[ندعوك للتسجيل في المنتدى أو التعريف بنفسك لمعاينة هذه الصورة]

نشيلها على جنب

[ندعوك للتسجيل في المنتدى أو التعريف بنفسك لمعاينة هذه الصورة]

نيجي لقاع الطنجرة ونحط على بواقي الكفتة والزيت كمشة شعيرية
ما بقدر احكيلك المقادير لانه هاي على حسب عيلتك
ممكن تعمكلي طنجرة صغيرة وممكن وحدة كبيرة انتي وتقديراتك عاد

[ندعوك للتسجيل في المنتدى أو التعريف بنفسك لمعاينة هذه الصورة]

ونقلي الشعيرية لحتى تتحمر اشوية بباقي زيت الكفتة

[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]

وبعدين نعاود نضيف كرات الكفتة للشعيرية

[ندعوك للتسجيل في المنتدى أو التعريف بنفسك لمعاينة هذه الصورة]

وبعدين نضيف يا حبيباتي بندورة معصورة فريش او محفوظة بعلب متل ما انا بحفظها
لما تكون صيف الدنيا بجيب كمية كبيرة من البندورة الحمرة المستوية
وبعصرها على
المولينكس وبعدين بغليها على النار بشوية ملح لحتى تتسبك منيح وتخف اشوية
ميتها وهي سخنة بتغلى غلي بديرها بمطربان زجاج معقم من قبل وبسكرها وهي
سخنة وبتركها لحتى تبرد لحالها

[ندعوك للتسجيل في المنتدى أو التعريف بنفسك لمعاينة هذه الصورة]

ودوقو الذ بندورة محفوظة

[ندعوك للتسجيل في المنتدى أو التعريف بنفسك لمعاينة هذه الصورة]

وكمان ضيفو شوية مية سخنة............فيكو تحطو مرقة بس ما تحتاج لانه الكفتة دسمة اصلا ورح اطلع اشوية مرقة بطعمة البندورة........

[ندعوك للتسجيل في المنتدى أو التعريف بنفسك لمعاينة هذه الصورة]

ونتركها تغلي ما رح تاخد وقت على الغاز يادوب بربع ساعة تكون مستوية وجاهزة

[ندعوك للتسجيل في المنتدى أو التعريف بنفسك لمعاينة هذه الصورة]

ونقدمها بالف صحة وهنا

[ندعوك للتسجيل في المنتدى أو التعريف بنفسك لمعاينة هذه الصورة]


وعنجد بدون مبالغة
هاي الذ شوربة عندي برمضان
مممممممممممممممممم
بس اليوم ما رح اعملها

رح اعمل شوربة فريكة لانه عندي فريكة كتير
حرام وين اروح فيها يعني

وتنسوش ان عملتو وكترتو

تبعتو سكبة للجيران
اقتضاءا بكلام رسولنا الحبيب عليه الصلاة والسلام

قال عليه الصلاة والسلام موصياً أبا ذر :
(يا أبا ذر ! إذا طبخت مرقة فأكثر ماءها وتعاهد جيرانك)
رواه مسلم

وهذه
الوصية من النبي صلى الله عليه وسلم لـأبي ذر رضي الله تعالى عنه في مسألة
طبخ المرقة -أي: طبخ اللحم- والمرق قد يحوي لحماً وقد يحوي أشياء أخرى،
فالنبي صلى الله عليه وسلم أوصى أبا ذر رضي الله تعالى عنه أن يكثر المرق
إذا طبخ شيئاً بإدام، أو بمرقة أن يكثر منها ويرسل إلى جاره. وقوله: (فأكثر
ماءها)، ليكثر الإدام، وهو ما يؤتدم به حتى يلين الخبز ويسيغه

وفي الختام لكم مني احلى التحيات والاحترامات

ورمضان كريم علينا وعليكم